楂車總會遇上失魂魚

是咁的, 我都唔記得邊日了, 好似就係楂車行錯路果日, 去到屏山左右, 我行緊中線, 慢線有架貨車行行下跪低左, 跟住後面貨車有架萬事德定唔知咩野, 跟住貸車停, 打死火燈啦, 我中線行緊6-70km左右, 仲有2-3個車位到架萬事德果時, 佢忽然抽頭出黎...大佬你出黎就熄左死火燈先啦!! 當時真係應該dup唔切, 會炒上去, 不過唔知做咩果時會咁快反應, 即時望鏡見快線冇車, 即刻扭去快線, 仲記得打埋燈tim, 過左之後忍唔住係車都鬧左2句, 老婆仲問我咩野事, 我心諗頭先差d炒車呀...回到家前個心仲狂跳mode中...-_-


其實楂左一排車, 呢d"差d炒"既情況都遇過, 不過最驚嚇都係呢次...對上一次都初初楂車時上屯公, 前2架車急停, 後車同我dup到顛左...幾乎炒, 出埋10陪界王拳踩個brake先岩岩夠停...車頭已經接近貼住前車pat pat了...