賴野…T_T

係屋企樓下CAR PARK泊車時出事…

今晚夜左番, 要泊到最入D窄位...果個通道好窄...平時如果頭入就要拎好多手太泊到...今日自己就係懶醒...用尾入又睇唔清, 就出事了~

竟然睇唔到個"博"位...係類似花槽邊...
有舊野突出黎...結果聽到"卡勒"一聲...就知出事了, 下車一睇...嗚嘩~

我下次真係唔敢唔睇啦...唉~懶醒真係會出事~
不過個教訓都幾貴~

我都有想過唔整佢, 不過佢好似有少少變左型, 個bumper好似離離地, 我怕行行下甩出黎就大件事... >< 而且...好醜樣~

今日洗完車再檢視傷勢，原來都壓得好爆下…不過, 可能見到我D"戰績", 怕左我~今日楂出去D人都唔係好敢跟貼我, 哈哈~ (心理作用吧?~)

今日見架車好多塵, 又有好多雀屎 (唔明做乜泊室內都會咁多!!!), 就"係咁依"沖下架車 (去開間洗車屋裝修中...只好DIY了)

其實都冇用清潔劑, 都係沖下水再抹乾~我諗可能之前打既蠟打得好, 所以好打理D...卦; 沖完抹乾之後乾淨左好多~~~雖然身水身汗不過都幾有成功感~!!!

不過遲D真係上淘寶買支水喉玩下先得, 依家得個細水桶, 來回走好多次先沖晒架車~又沖得唔太乾淨~有時間上去睇睇先~~~~