last 250 days...做左2樣野!

今日去wedding expo 之前捉左大仔去睇絲花球(for 影相用的)，去番我訂鮮花球果間--Trinice Flowers． Trinice 都幾好人　．．因為我地去影相係星期五同六(7/3 - 8/3)，有機會好夜先返到香港，所以都好怕會還唔切（因為6/3下午已經要上去～但佢地花店星期日唔開～），最後佢俾我由6/3 租到10/3~ so good! 原本租只係包三日兩夜架咋...好快咁我地就落左訂lu (不過落完先諗起佢以前係 $120...而家變左$130 喇...)


之後陪大仔去左拎鏡頭，之後就過左灣仔食飯同埋搵埋Patrick 同cathy 去wedding expo ...有免費入場券! 仲有遊戲玩同埋有花轎影 ...哈哈... so good!

入到場我地第一時間去睇介指喇～仲好快咁出左血．．．
買左PN~下邊果對 (最高同最低果隻，我果隻有石的，大仔果隻就無石的～)

我覺得好靚呀!!!

我中意佢夠簡單同埋唔"梗"手...我好怕D 介指太厚身...可能我D 手指關節位唔係咁大...手指同手指間個空間太小...所以一戴厚身的介指就覺得好唔舒服>_< 仲有呀....如果係一大粒石果d...我會覺得好九唔搭八...因為自己日日都係牛記笠記...著龍袍都唔似太子...所以都唔明點解有d 人咁中意大大粒鑽石...得物無所用, 幾靚都無用啦!

就係咁, 我地個短期target task 又少左兩樣lu!!!yeah!

短期target task :
1. book車 (今日expo 睇唔o岩 ,等3月!)
2. book衫 (book 左喇！男禮都睇埋, 今次個造型是珠片白馬王子及黑色酒樓部長 X::DDDD）
3. 過大禮的details
4. church (填左form等confirm)
5. church佈置
6. invitation cards
7. 安排honeymoon (計緊budget -_-")
8.新居裝修 (叫裝修師傅睇左, 等緊個價, 希望ok---個價唔ok, 勁貴,而家等緊另一個quote)
9. 新居傢俱 (都係等緊個價, ok就好了, god bless---個價唔ok, 計劃有變, 未必搵裝修佬做!)

短期target tasks 包括:
- 1月之內要confirm 俾邊個裝修, 過年後開工 (schedule delay...希望2月內攪得掂...)
- 2月中去婚展book 車,睇婚戒 (book 車schedule delay, 婚戒攪掂!4月10日大仔生日有得拎!)
- 2月內買到girdle, 絲花球(未買girdle, book 左絲花球)
- 2月內要買到大仔的白鞋同埋大人的婚紗鞋
- 2月book 埋裙褂 (未book)
- 3月頭 confirm 傢俬 (攪完裝修先算)
- 3月頭影pre-wedding photos