一起的第四個聖誕節

Merry X'mas!!!^0^

我們的新居

Outstanding List Update

1. 婚戒
2. book車
3. book衫 (book 左喇！未攪男禮）
4. book化妝 (sunday試妝)
5. 過大禮的details
6. church (hold左, 未confirm)
7. church佈置
8. invitation cards
9. 安排honeymoon

今日去左律師樓同銀行....

趕到死!!!
律師樓條友都幾唔掂....約我9am, 自己竟然9:15am 先返到!!!!!太過份了!!!
攪到我趕頭趕命仲要摸門釘!!!!豈有此理~我當然炳左佢一鑊!!!!!!!!!

放工同大仔去左銀行簽野．．．終於解決了
下個月先開始供樓...但有0.7% rebate...都差唔多供少一期了　＾＿＾
二月逗多ｄ利是幫補下先得．．．嘻嘻嘻．．．
逗埋今年就無得收了　v_v

睇番個schedule...大部分野都on schedule．攪掂層樓之後繼續搜集裝修同埋傢俬果d資料．
1月中先開始搵裝修師傅傾細節．．．2月開工做．．．5月應該見得人了吧?!
星期日去試妝~ 希望一take 攪掂!

結婚花車公仔

好令呢~~~真係謝謝大人的姐姐啦~~~
呢對monchhichi就會係我地的big day, 乖乖坐係花車啦~~o^_^o

大人的屋企人好錫妳呢, 你記得對佢地好d啦 XDDDD

(大人其實點解會中意"懞豬豬", 係唔係佢地同我都一樣咁中意咬手指? wahaha!!! XDDDD)

Mortgage Updated

到今日為止已經收到申請左既四間bank 當中兩間批左mortgage,而家等埋另外果兩間就可以make decision．另外琴晚已經去左律師樓簽左正式買賣合約. 感覺好奇怪.

琴晚簽完約同大仔去左行ikea，諗諗下我地新屋真係要放d 好微型既傢俬先攪得掂呢．不過一切都係初步構思中，遲d收左樓再慢慢諗都未遲．大家有無咩好既傢俬店suggest下呢？另外如果你知邊d 係黑店...都可以話聲我地知等我地提防下~~~~

遲d打算上Patrick 同埋林家睇下d裝修，印象中唔錯既！諗諗先．．．

車同衫都未租，12月前要CONFIRM 左佢先得！

9/12 去試妝了~~~希望一TAKE 過OK 啦.

MORTGAGE

做按揭攪律師樓d野真係好麻煩．．．
而家攪左律師樓d 野，下星期二去簽約俾大訂．

MORTGAGE 就申請左中銀，建設銀行，創興，另外都叫左富邦做估價（免費）．而家都係等RESULT 喇．．．大部分都話下星期會有RESULT．希望我去完海南返黎就有好消息啦！

星期日係THAI返到黎真係好累．．．仲要PICK UP 番之前D工作．．．真係有D透支既感覺.
今日幫我公司做DESIGN 果間AGENCY 激到我死，剷左佢一獲杰杰的！！大過份了！

今晚要禱告，為按揭既事祈禱．．．

OUTSTANDING LIST (as at 8 Nov 07)

大人去左玩, 係公司又岩岩唔係咁多野做 (!!)
等我整張checklist睇下有咩野未準備好先:

1. 婚戒
2. book車
3. book衫
4. book化妝
5. book結婚照
6. 過大禮的details
7. church (hold左, 未confirm)
8. church佈置
9. invitation cards
10. 安排honeymoon
11. 樓宇按揭
.
.
.

仲有咩野呢...?
好似仲有好多野未做咁...煩煩煩~

我係唔係有d婚前恐懼症 X::::D

YOHO TOWN

你寫得咁求其架．．．好無誠意bor．．．

其實我自己都有小小覺得我地既決定都幾倉卒架．．．

不過yoho town 真係起得好靚，旺中帶靜．而且果度真係好方便...係深水埗半個鐘已經去到!連我爸媽都覺得好impressive~

本身個單位一定唔係話好好架喇...不過未有人住過喎...d 設備同埋裝修仲係好新淨(toilet 條招紙仲係度，入伙送的精品都係度...)...我自己都幾滿意呀~ 當然入伙之前一定要再執一執啦．．．

原本都有考慮過新元朗中心，因為好近西鐵呀．．

不過睇過樓之後都唔諗了...鎖定yoho town．．．因為如果買新元中，我諗起碼都要放多十萬八萬去裝修．而且單位本身無包雪櫃，微波爐果ｄ，果度其實都係一筆錢啦！！

而家得閒可以諗下d傢俬點擺喇~~kekeke~

大仔,你要慳d喇! 唔准買玩具!!!!

YOHO, 攪掂!

昨天又叫做解決多一個問題啦...
不過呢, 之後仲有好多野要考慮啦~^^"

係這一件事上, 真係睇到神係有充足的預備俾我地...
感謝主...

Wedding Expo 07.11.2

今晚同大仔去左婚紗展~ (唔洗錢入場...哈哈)

BOOK 左BD 既攝影同攝錄了~

買左西餅 咭同唐餅咭....唐餅咭要成$46.4 / 張....貴貴....>_<

不過無法啦....媽媽指定要奇華....我都已經係買中價果隻ga la!

唔知會唔會早左小小買，不過之後都未必會再黎wedding expo，快d 買左先費事之後又要行多轉啦! ~~~~好煩ga ma...

再黎就係要confirm pre-wed photos 了．．．緊張緊張 ^0^

行完expo 去左Tim's Kitchen 開餐. 很好吃呢! ^0^

11.2 Wedding Expo

好多目標呀...果日放工一定要快d 走人!

打算入expo 買埋餅卡，book埋車，睇下花球，睇下衫咁．．．好多樣野要做！！！
呢幾晚都係度做緊功課．．．真係好忙碌．．．
而家希望快d 攪好將來新屋．．．有個「竇」既話，處理呢ｄ野就方便多了！=)

2007.10.27深圳之旅

10.27 我地上左深圳行1日，主要都係去睇結婚相ｄ野.整體來講雖然我地未決定用邊間，不過大概拍攝既時間都已經心中有數．而家主要係再睇下揀邊一間同埋睇下價格方面仲有無得傾．

除左睇結婚相，我地既午飯同埋晚飯都係深圳食．第一餐食左"真功夫"．蒸飯快餐．都ok 喎，幾好食呀．．．呢餐食左$51 (兩個餐+1杯汽水)

另一餐係o係東門食既．果度俾我地既感覺比較雜．．．想搵餐安樂茶飯食既我地，最後揀左去麥當當(原來呢間係大陸第一間麥當當呢...)．．．都好食ga....兌番港紙應該都仲平過係香港食既！！呢餐食左$4x (兩個餐(一個加大)+綠豆批)．．．個綠豆批．．．麻麻地．．

今日仲係荀崗買左D利是封，覺得都算平．$1.8/6個，$2.5 / 8個 (唔同款)，買齊都係$86，另外買左$25 / 10盒啤牌...

BURGER KING

←BURGER KING(?!)　
　X"DDDDD

回想

睇完大仔寫有關propose 既事，一路睇，一路笑．好開心．

諗番起其實已經識左大仔七年幾了．．．時間過得真係好快，一齊，分開，再一齊．呢三四年期間同大仔一齊真係過得好開心．我唔敢講我地完全唔嗌交，但就算係嗌最多都係一兩個鐘後就可以冷靜番一齊講和．．．同大仔一齊既感覺係好舒服的，好似屋企人 =)

PROPOSE...好好笑的...
其實一早已經知果日大仔會行動...太明顯了...早幾日話出去買野(放工無送到我返我屋企個mtr!)...果日又一早問我幾點收工...問我準唔準時收工... 至於burger king．．因為大仔果日其實係有叫我去openrice搵野食．．所以都有驚過下架．．．不過估唔到係果度呀～
其實係我太了解你了...hehe...
不過我好明白大仔一向都唔係d 好有"gimmick" 既人．唔似我咁多古靈精怪既野．．所以其實果晚我已經好開心．．．因為我知大仔係有盡過力o架．．．^_^

大仔呀．你無乜諗頭唔緊要．你就係你呀，我就係中意你咁．有時係有ｄ悶架，不過唔緊要啦．你仲有我嘛！ ^3^

可唔可以...

呵呵,我都知自己冇咩新意嫁啦,努力的想點子,想下點先可以令大人有一個難忘的回憶...
呢個真係唔係我的專長...簡直是弱點tim...係我參考左好多網上方案,消化左,再加上我的idea,得出以下方案:
1)係鬧市propose >>banned;你估加下拍劇咩...仲係"tｘb"果d老土黃金時段劇先有人會咁做呢...一個唔覺意俾人拍左上youtube,攪到咩野"肥仔鬧市向港女求婚"就唔好啦。(同埋咁情況下好似迫人應承咁,唔係咁好)
2)去外地求婚 >>呢個幾好嫁,萬一俾人reject左都冇人知嘛,可能周圍d人連我up咩都未知。不過冇$冇假, 又ban得
3)迪迪尼 >>抄人的本身想, 不過太近日子啦,一陣好易俾人發現,ban埋
4)扮唔求婚,等佢著急之下... >>都係唔係咁好,大人冇咩耐性...一陣真係嬲左就唔好啦, 再ban...
5)好啦...都係正正經經啦...都係出求婚3寶:花,介指&餐廳

果日,訂左花,叫佢送到mtr我再拎俾大人...叫做俾個surprise佢, 點知送花果度遲到wor...攪到我都late左...成半hour,我諗大人都幾"驚喜"既~
之後, 就上左山頂食野;食咩野?冇呀,未"burger king"囉!哈哈哈!!夠驚未!!! XDDDDD

本身想食野中間求的...不過呢,講極都講唔出口...哈哈哈,諗左d懶浪漫既野都冇講到!cheap到死!!
食完野之後行左陣商場,想走上"0消角"上睇下hk夜景,吹下風,心諗果度講都好喎,黑文文冇人見到冇咁怕醜!點知...依家佢欄左個天台要上去就先磅水啦(好似是$20);我覺得有冇攪錯,大人都話好唔抵,so又冇lu,行行下走啦...坐bus下山,本想重溫下我地拍拖前第一次上peak的route嫁,不過都太夜可能冇ferry過tst了...好啦要坐mtr,連係ferry propose都唔work了,咁係巴士上我就向大人propose了~雖然諗左的台詞唔係好長,不過每一隻字都好難開口呀,因為...我覺得好肉麻呀!好在巴士唔係太大冷氣,唔係冷親大人就唔好啦。大人都好順灘應承左(可能等左我成晚,等到尾升先講,佢都冇晒d耐性了),感覺好warm,雖然咩野都未預備,不過係果一刻個感覺真係好特別...

好快就10月中了....

最近都係無事忙...
陪大仔，忙工作，見朋友．．．仲有好多事做咁．．

date of propose．．．好快到了．．心情有點緊張呢．．．
希望大仔多花點心思 ^0^

多謝你咁錫我啊 ^3^

決心

project 2008...好似好快就到, 其實真係好快, 計劃中...仲有一年左右,
其實都唔知係唔係right time, 不過呢, 如果再delay大人就唔會肯過我嫁啦, kakaka.
不過講真, 我又唔係咩野有$$$仔, 搵$$$又唔多又年年俾唔少acca/ftms/ftc之類, 要carry out呢個project都係"猛猛緊", 真係考驗我地的理財能力! >_<"
不過呢, 我地心目中都冇諗過攪得好grand好豪...希望都仲affort到啦,
所以我地會多d禱告, 多禱告多有能力...

這個blog, 是無聊apply的, 用黎做我地的joint blog...依家紀錄下我地的project的progress...幾好啦...不過唔講唔知...我未propose嫁...haha...

不過我地plan左嫁啦...日子...date of propose...係唔係好攪笑呢?
就係咁啦, 同我一齊冇咩驚喜嫁, 不過, 大人又頂得我順...真難得.

不過, 呢個blog都仲係會神神秘秘咁進行住先ga la...
到一切野都肯定到咁上下先post出黎啦...不過都唔知有冇人會睇嫁 ^^"

PRAY

琴晚又再次一齊pray，一起pray 的感覺很好．．． =)

祈禱事項

琴晚 (07年9月9日) 係我地第一次為08 project 一齊祈禱。係禱告中紀念既事項如下：
1) 各種開支和經濟上既需求
2) 預訂各式場地、居所

我地一定要持之以恒咁禱告，因為聖經話：「你們祈求、就給你們．尋找、就尋見．叩門、就給你們開門。因為凡祈求的、就得著．尋找的、就尋見．叩門的、就給他開門。」。

by Manis

此blog 的成立

今日係2007年9月10日，由而家開始，呢個blog 會記低我地08 project 既所有進展。^_^

by Manis