BB你是否在叫媽媽?

MAMI? MEGGIE? MAMA? LALA?

爸爸可是好嚴格啊

冇電...呀!!!

昨晚同父親大人食生日飯, 出車往流浮山...點知拎車時個remote lock冇反應...好啦, 用key開門………撻唔著車?!


諗諗下, 應該係星期日冇關房燈…電池乾左 ~灰~

因為趕時間, 只有出去截的士了, 之後都心卦卦, 怕粒電已打柴…

食飽飽之後坐車回家, 口痕之下問下的士大佬有冇過江龍, 又有喎…


咁就俾左$50的士用過江龍撻車，之後楂出去行左十幾km充下電…應該冇事啦卦…
 
以下係我在jf club問點處理時, "KEN4"會員的方法:
 
"搵架有過江龍嘅的士搭電撻車，$50-100
又或者搵住附近的朋友、師兄幫手搭電
又或者買嚿備用電池搭電
又或者識換嘅，去買舊電叫人叉滿，自己換咗佢
又或者附近有電掣，搵個叉機叉返起舊電
又或者停車場本身就有提供搭電服務
著車後行返十零廿kilo，或者由佢idle半個鐘，睇下叉唔叉得返起
嚿電唔係太舊的話多數叉得返起
搭電時、著車後，請確保架車電器包括風扇都係閂晒
暫時係諗到咁多，仲有嘅留返畀其他師兄補充"
 
http://www.jf-club.com/forum.php?mod=viewthread&tid=58037&extra=page%3D1

"唔好訓呀"

今早, 小B食過了"早奶", 大人就將他交給我掃風及逗他玩玩。

我對著他唱唱歌和逗他傾計, 他應該已忘了我前幾天罵他的事, 笑得好開心。可是, 我只是剛剛睡醒...可說仍然是半夢半醒, 玩了一會, 不小心睡著了...

這時候, 小B竟然大大聲、高音的叫了聲"UN~GU~~~", 把我叫醒了...大聲得連大人都聽到, 入來看看發生什麼事。

我都呆了一會, 回過神才對大人說: "你個仔叫我起身" 之後才相視而笑。

小B近來學多了很多"音調" (雖然仍然只會講"UN GU"、"哎也"、"唔好"及"L-路"等等發音), 所以我們都估計, 小B應該會很快學會說話吧?

天天長大我天天高

文小B真的好鍾意笑, 特別是有人跟他說話, 他就會笑到傻佬一樣...感謝神讓他常常有喜樂的心...

特別是爸爸媽媽放工/放假時, 他會興奮得手舞足蹈, 連坐著的HIGH CHAIR都會被搖得好像要倒下...

昨天回到家, 小B有點扭計, 抱起他, 逗他玩, 他都不望我, 只是在左顧右盼的找媽咪。真的令我好傷心啊 >< 可能他仍然記住我之前一天責罵他咬手指吧, 嗚嗚~

近來他咬手指的情況真的好嚴重, 雖然知道這是正常的, 不過都會怕他的手仔不潔, 吃了會肚仔痛。結果, 就忍不住, 嚴厲的對小B教訓了幾句。之後, 他見到我時, 就會乖乖把手指從口拿出來。

不過就換來他不理我了 (哭)

在他洗白白抹身時, 小B張開了雙手, 好像要抱的樣子, 才發現他的手已經好長了; 小B媽咪就說, BB的手已經長得會抓住自己的腿了 (在扮熊貓嗎), 我就想到, 他快要連腳趾都要放入口了 ><

教會的婆婆, 每次見到小B都會說: "好得意, 真係日日唔同呀" 

原來真的啊, BB天天長大天天變呢, 真的要天天好好的看著他, 要不然, 明天他就要變了另一個樣子了。

不過, 怎樣變都好, 希望小B你仍然都會是個愛笑的開心小孩啊 : )